വിഷാദരോഗത്തിലൂടെ കടന്നുപോകുന്ന ക്രിസ്ത്യാനി.

ഇന്നത്തെ കാലത്തു മനുഷരുടെ ഇടയിൽ വിളിക്കാതെ കടന്നു കൂടിയ ഒരു അതിഥി ആണ് വിഷാദരോഗം. ചിതയിൽ നിന്നും ഒരു മനുഷ്യന് എണ്ണിച്ചു വരാൻ കഴിയും എന്നാൽ അവന്റെ ചിന്തയിൽ നിന്നും ഒരിക്കലും സ്വതന്ത്രൻ ആകുന്നില്ല, സൈക്കോളജിക്കൽ പ്രകാരം ഒരു മനുഷ്യന്റെ ഉളിൽ ഉണ്ടാകുന്ന തൊണ്ണൂറ് ശതമാനം രോഗത്തിന് കാരണം അവന്റെ മനസ്സു ആണ് എന്നുള്ള സത്യം നമ്മൾ അറിഞ്ഞിരിക്കണം.  

       വിഷാദം നിങ്ങളെ ദൈവത്തെ ചോദ്യം ചെയ്യാനോ അവനിൽ നിന്ന് അകന്നുപോകാനോ ഇടയാക്കും എന്ന് മാത്രമല്ല, അത് ക്രിസ്ത്യൻ ജീവിതത്തെ തന്നെ കൂടുതൽ പ്രയാസകരമാക്കുകയും ചെയ്യും. നിർഭാഗ്യവശാൽ, പല ക്രിസ്ത്യൻ സമൂഹങ്ങളിലും വിഷാദരോഗവുമായി ബന്ധപ്പെട്ട തെറ്റിദ്ധാരണകളും കളങ്കങ്ങളും ഉള്ളതിനാൽ, ക്രിസ്ത്യാനികൾക്ക് വിഷാദം കൂടുതൽ വെല്ലുവിളി നിറഞ്ഞതാണ്. 

 നിങ്ങൾ വിഷാദത്തിലൂടെ കടന്നുപോയിട്ടില്ലെങ്കിൽ, അത് എത്ര ഭയാനകമാണെന്ന് മനസ്സിലാക്കാൻ പ്രയാസമാണ്. എന്നാൽ നിങ്ങൾ വിഷാദത്തിലൂടെ കടന്നുപോകുന്ന ഒരു ക്രിസ്ത്യാനി ആണെങ്കിൽ,  അഥവാ നിങ്ങൾക്ക് ആരെയെങ്കിലും അറിയാമെങ്കിൽ ഈ ലേഖനം നിങ്ങളെ സഹായിക്കും.

          നമ്മുടെ വേദനകളിൽ നാം കണ്ടെത്തുന്ന ആത്യന്തിക സുഹൃത്ത് യേശു തന്നെയാണ്. എന്നാൽ നിങ്ങൾ ഒരു മാനസികാരോഗ്യ പ്രതിസന്ധി അനുഭവിക്കുകയും ഒറ്റപ്പെടൽ അനുഭവപ്പെടുകയും ചെയ്യുമ്പോൾ, ദൈവം അക്ഷരാർത്ഥത്തിൽ നിങ്ങളുടെ ഉള്ളിലാണെന്ന് മറക്കാൻ വളരെ എളുപ്പമാണ്. ഈ ദുർഘടമായ സമയത്തു ക്രിസ്തു നമ്മളുടെ ഉളിൽ വസിക്കുന്നു എന്നത് മറക്കത്തെ ഇരിക്കാൻ ശ്രമിക്കണം കാരണം വേദപുസ്തകത്തിൽ ഒരു വാക്യം ഉണ്ട്, കൊലൊസ്സ്യർ 1:27 അവരോടു ജാതികളുടെ ഇടയിൽ ഈ മർമ്മത്തിന്റെ മഹിമാധനം എന്തെന്നു അറിയിപ്പാൻ ദൈവത്തിന്നു ഇഷ്ടമായി; ആ മർമ്മം മഹത്വത്തിന്റെ പ്രത്യാശയായ ക്രിസ്തു നിങ്ങളിൽ ഇരിക്കുന്നു എന്നുള്ളതു തന്നേ.

         ക്രിസ്തുവിനുവേണ്ടി, ബലഹീനതകൾ, അപമാനങ്ങൾ, ബുദ്ധിമുട്ടുകൾ, പീഡനങ്ങൾ, എന്നിവയിൽ ഞാൻ സംതൃപ്തനാണ്. ഞാൻ ബലഹീനനായിരിക്കുമ്പോൾ, ഞാൻ ശക്തനാണ്". ജീവിതത്തിൽ നാം തകരുമ്പോൾ ആണ് ദൈവ പ്രവർത്തി ഉണ്ടാകുന്നത്, ദൈവം പല ശോധനകൾ ജീവിതത്തിൽ കൊണ്ട് വരും കാരണം നാം ഓരോരുത്തരുടെ ഹൃദയത്തെ പഠിക്കുവാൻ വേണ്ടി ആണ്, ഇവയിൽ നാം തോൽക്കുവാൻ ഇടയാകരുത്. സെഖർയ്യാവു 13:9 മൂന്നിൽ ഒരംശം ഞാൻ തീയിൽ കൂടി കടത്തി വെള്ളി ഊതിക്കഴിക്കുന്നതുപോലെ അവരെ ഊതിക്കഴിക്കും; പൊന്നു ശോധന കഴിക്കുന്നതുപോലെ അവരെ ശോധനകഴിക്കും; അവർ എന്റെ നാമത്തെ വിളിച്ചപേക്ഷിക്കയും ഞാൻ അവർക്കു ഉത്തരം അരുളുകയും ചെയ്യും; അവർ എന്റെ ജനം എന്നു ഞാൻ പറയും; യഹോവ എന്റെ ദൈവം എന്നു അവരും പറയും. വേദനാജനകമായ ജീവിതസായാഹ്നത്തിൽ ഒറ്റപ്പെട്ടുപോയി എന്ന് കരുതുമ്പോൾ ഓർക്കുക ദൈവം കൂടെ ഉണ്ട് എന്ന ഉൾ ബോധം ഉണ്ടാകണം. സാത്താൻ ആഗ്രഹിക്കുന്നത് ഭവനത്തിന്റെ ഒരു കോണിൽ കരഞ്ഞു തളർന്നു ഇരിക്കുന്ന ആത്മീയ മനുഷ്യനെയാണ് മറിച്ചു ദൈവം ആഗ്രഹിക്കുന്നത് വ്യത്യസ്ത നിലയിലേക്ക് കൊണ്ടു പോകാൻ ആണ്. പുഴുവിനെ പോലെ ചെളിയിൽ ഇഴയുന്ന അവസ്ഥയാണ് ജീവിതത്തിൽ ഉണ്ടാകുന്നതെങ്കിൽ സന്തോഷിക്കുക ദൈവം ഒരു ചിത്രശലഭം ആക്കാൻ പോകുകയാണ്. ആത്മീയത ചോർന്നുപോകാതെ വിശ്വാസത്തെ മുറുകെ പിടിക്കുക.

                   ആത്മീയ ജീവിതത്തിന്റെ അർത്ഥം നമ്മൾ മനസ്സിലാകാത്തത് കൊണ്ട് ആണ് ജീവിതത്തിൽ പരാജയം ഉണ്ടാകുന്നത്, ക്രിസ്തീയ ജീവിതം എന്നത് തന്നെ കഷ്ടത എന്ന കൃപാവരം അണിഞ്ഞുകൊണ്ട് ക്രിസ്തുവിൽ നിന്നും ജീവകിരീടം പ്രാപിക്കുക എന്നതാണ്.  ഒരു മനുഷ്യന്റെ ജീവിതത്തിന് തുടക്കം കുറിച്ചത്  ദൈവമാണെങ്കിൽ ഒറ്റപ്പെടലിലും, ഹൃദയവേദനയിലും ദൈവം കൂടെ കാണും. സാത്താൻ കൊണ്ട് ഇടുന്ന ചിന്തയിൽ വീണു പോകാതെ, അവന്റെ കരങ്ങളിലെ കളിപ്പാട്ടം ആകാതെ വളരെയധികം വിവേക ബുദ്ധിയോടെ നാം മനസ്സിലാക്കേണ്ട ഒരു കാര്യമാണ്, “മഹത്വത്തിന്റെ പ്രത്യാശയായ ക്രിസ്തു നമ്മളിൽ ഇരിക്കുന്നു എന്നുള്ളതു”

            മനുഷ്യന്റെ ഒരു ബാലഹിന സ്വഭാവം ആണ്, അനേകം സന്തോഷം തരുന്ന വിഷയങ്ങൾ ഉണ്ടക്കിലും അതിൽ ശ്രദ്ധ പുലർത്താതെ  ഹൃദയത്തിൽ ഭാരം തരുന്ന വിഷയത്തെ ആലോചിച്ച് വ്യാകുലപ്പെട്ടു ഭാവനത്തിന്റെ ഒരുകോണിൽ അസ്വസ്ഥനായി ഇരിക്കുന്ന ഒരു അവസ്ഥ, എന്നാൽ ഇതിനു മാറ്റം അനാവര്യം ആണ്. ഞാൻ യേശുവിൽ എന്റെ വിശ്വാസം അർപ്പിക്കുകയും എന്റെ എല്ലാ പാപത്തിനും കുരിശിലെ തകർച്ചയ്ക്കും അവൻ പ്രതിഫലം നൽകുകയും ചെയ്തതിനാൽ, അവൻ ഒരിക്കലും എന്നിൽ നിന്ന് അകന്നുപോകുകയില്ല.എന്ന ആത്മവിശ്വാസത്തോടെ നാളത്തെ ദിവസത്തെ അഭിമുഖീകരിക്കാം…ദൈവം  അനുഗ്രഹിക്കുമാറാകട്ടെ.